हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। यसको प्रभावले आज देशभर सामान्यदेखि पूर्ण बदली रहने तथा अधिकांश प्रदेशका पहाडी र तराई भूभागमा चट्याङसहित मध्यम वर्षाको सम्भावना रहेको छ।
कोशी, बागमती, गण्डकी र लुम्बिनी प्रदेशका पहाडी भूभागका एक–दुई स्थानमा भारी वर्षा हुन सक्ने पूर्वानुमान गरिएको छ। मधेस र लुम्बिनी प्रदेशका तराई क्षेत्रमा हावाहुरीको सम्भावना पनि रहेको महाशाखाले जनाएको छ।
प्रकाशित मिति : २०८३ असार २३ गते मंगलबार
