सरकारले आगामी चाडपर्वलाई लक्षित गरी भदौ ३० गतेदेखि सुपथ मूल्य पसल सञ्चालन गर्ने भएको छ। खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पोरेसन लिमिटेडले देशभर सञ्चालन गर्ने सुपथ मूल्य पसलअन्तर्गत कर्णाली प्रदेशमा मात्र ४२ स्थानमा सेवा उपलब्ध गर्ने भएको छ ।
सुर्खेतमा सिम्ता, चौकुने र पञ्चपुरी खरिद–बिक्री केन्द्रमार्फत सुपथ मूल्य पसल सञ्चालन हुने भएको छ। जाजरकोटमा शाखा कार्यालय जाजरकोटसहित दसेरा डिपो, घोगी डिपो, नायक वडाघाट, चौखा डिपो, रजुतारा, कालीमाडी लगायतका स्थानमा पसल सञ्चालन हुनेछ ।
जुम्लामा शाखा कार्यालय जुम्ला र धापा डिपो, मुगुमा शाखा कार्यालय मुगु, सोरुकोट, पुलु र श्रीकोट डिपोमार्फत सुपथ मूल्य पसल खुल्ने खाद्य व्यवस्था तथा व्यापार कम्पनी लिमिटेडले जानकारी दिएको छ ।
यस्तै, दैलेखमा शाखा कार्यालय दैलेखसहित नौमुले, घोडाबास, वेस्तडा, राकम लगायतका केन्द्रमा पसल सञ्चालन हुनेछ। डोल्पामा शाखा कार्यालय दुनैसहित जुफाल, सर्मी, काईगाउँ त्रिपुराकोट, साल्दाङ, धो र काककोटमा सुपथ मूल्य पसल सञ्चालन गरिनेछ।
रुकुमपश्चिममा शाखा कार्यालय रुकुमपश्चिम, कालीकोटमा शाखा कार्यालय कालीकोटसहित खल्लागाड, पादमघाट, थिर्पू, भैसासैना, कुमालगाउँ र आरसीपी बजारमा पसल सञ्चालन हुनेछ।
त्यसैगरी, हुम्लामा शाखा कार्यालय हुम्ला, श्रगर, सर्केगाढ र यलवाङ (नाम्खा) मा सुपथ मूल्य पसल सञ्चालन हुने जनाइएको छ।
प्रतिक्रिया दिनुहोस्