कर्णाली प्रदेशका १० जिल्लाका ३० जना उत्कृष्ट शिक्षकलाई सम्मान गरिएको छ। शिक्षा विकास निर्देशनालयद्वारा आयोजित उत्कृष्ट शिक्षक प्रोत्साहन कार्यक्रम अन्तर्गत शिक्षकहरूलाई सम्मान गरिएको हो ।
उत्कृष्ट शिक्षकको छनोटका लागि निर्धारण गरिएको मापदण्डका आधारमा सम्मान गरिएको सामाजिक विकास मन्त्री घनश्याम भण्डारीका बताए ।
प्रत्येक जिल्लाबाट माध्यमिक, निम्न माध्यमिक र प्राथमिक तहका गरी तीन जना शिक्षक छनौट गरिएको हो। छनौटमा कम्तीमा एक महिला शिक्षक अनिवार्य रूपमा समावेश गरिनुपर्ने व्यवस्था गरिएको थियो।
निर्देशनालयका अनुसार छनौट मापदण्डमा विगत तीन शैक्षिक सत्र (२०७९/८० र ८१) मा कक्षा ५, ८ र एसइई परीक्षामा विद्यार्थीको सिकाइ उपलब्धिमा उत्कृष्टता हासिल गरेको, एकै स्थानीय तहबाट एक मात्र शिक्षक सिफारिस गरिएको, र सम्बन्धित विद्यालय, पालिका तथा शिक्षा विकास तथा समन्वय इकाई बाट प्रमाणित सिफारिस हुनुपर्ने मापदण्ड तोकिएको शिक्षा विकास निर्देशनालयले जनाएको छ ।
त्यस्तै, राष्ट्रिय, प्रदेश र स्थानीय तहबाट शिक्षक प्रोत्साहन सँग सम्बन्धित कुनै पनि पुरस्कार तथा प्रोत्साहन प्राप्त नगरेको शिक्षकले स्व घोषणा गरी विद्यालयको सिफारिस पत्रमा उल्लेख भएको हुनुपर्ने र कम्तीमा पाँच वर्ष स्थायी सेवा अवधि पुगेका, यसअघि कुनै पनि तहबाट शिक्षक सम्मान प्राप्त नगरेका, र शिक्षा ऐन २०२८ तथा नियमावली २०५९ अनुसार विभागीय सजाय नपाएका शिक्षक मात्र छनौट गरिएको निर्देशनालयले जनाएको छ।
सुचीहेर्नुहोस्
