वीरेन्द्रनगर नगरपालिका-८ मा ‘मिलन पार्क’को शिलान्यास गरिएको छ । आइतबार आयोजित कार्यक्रममा नगर प्रमुख मोहन माया ढकालले पार्कको शिलान्यास गरेकी थिइन् ।
युएनओपीएसको प्राविधिक तथा व्यवस्थापकीय सहयोगमा सञ्चालित महिलामैत्री शहर–समावेशी र जलवायु उत्थानशील शहरीकरणपरियोजनाअन्तर्गत पार्क निर्माण हुने भएको हो।
नगर प्रमुख मोहन माया ढकालले मिलन पार्क निर्माण परियोजना साझेदारी कोषको आधारमा वीरेन्द्रनगर नगरपालिका र युएनओपीएसको सहकार्यमा सम्पन्न हुने बताइन् । उनका अनुसार पार्कको डिजाइन स्थानीय समुदायसँग प्रत्यक्ष छलफल र सहभागितामार्फत तयार गरिएको हो।
ढकालले महिलामैत्री सुविधा सहितको पार्क सबैलाई सहज हुने गरी विकास गरिने उल्लेख गर्दै, ‘यो पार्क बालबालिका, युवा, ज्येष्ठनागरिक र महिलासहित सबैलाई स्वागत गर्ने वातावरणमा निर्माण गरिनेछ ।’
निमार्ण कम्पनीले १ करोड ६५ लाख रूपैयाँ लागतमा निमार्ण गर्ने जिम्मा लिएको छ । पार्क निर्माण सम्पन्न गर्न ठेकदारलाई १० महिनाको समयमा सक्नु पर्ने म्याद रहेको सहरी योजनाकार सुगम गौतमले बताए ।
शिलान्यास कार्यक्रममा वडाका जनप्रतिनिधि तथा स्थानीयवासीको समेत उपस्थिति रहेको थियो ।
प्रतिक्रिया दिनुहोस्