नेपाली कांग्रेसको १५औँ महाधिवेशनअन्तर्गत वडा तहका अधिवेशन तथा नेतृत्व चयन सम्पन्न भएसँगै बराहताल गाउँपालिकाको सभापतिमा भीमबहादुर भण्डारी पुनः निर्विरोध निर्वाचित भएका छन्। भण्डारी बराहताल गाउँपालिकाका वर्तमान अध्यक्षसमेत हुन्।
सहमति र सहकार्यका आधारमा गाउँपालिका तहको नेतृत्व चयन भएपछि नेपाली कांग्रेस सुर्खेतका जिल्ला उपसभापति टोपबहादुर रावतले नवनिर्वाचित सभापति भण्डारीलाई बधाई तथा सफल कार्यकालको शुभकामना दिएका छन्।
उपसभापति रावतले पार्टीभित्रको एकता, सहमति र सहकार्यलाई थप मजबुत बनाउँदै संगठनलाई जनतामाझ प्रभावकारी रूपमा अघि बढाउन नवनिर्वाचित नेतृत्वको महत्वपूर्ण भूमिका रहने विश्वास व्यक्त गरेका छन्।
प्रकाशित मिति : २०८३ असोज ७ गते बुधबार
हार्दिक बधाई, नेता ज्यू! 🎉💐